Ўзбекистон Республикаси Президенти Шавкат Мирзиёев Вазирлар Маҳкамаси ижро тизимини такомиллаштиришга қаратилган қарорни имзолади. Бу ҳақда давлат раҳбарининг расмий сайтида хабар берилди.
Мазкур қарорга биноан:
- Ўзбекистон Республикаси Бош вазирининг ўринбосари — Макроиқтисодий ривожлантириш, таркибий ўзгартиришлар, хорижий инвестицияларни жалб этиш комплекси раҳбари;
- Бош вазир ўринбосари, «Ўзавтосаноат» акциядорлик компанияси бошқаруви раиси — Экспорт салоҳиятини ва машинасозлик, автомобиль ва электротехника саноатини ривожлантириш, маҳсулотларни стандартлаштириш масалалари комплексининг раҳбари;
- Бош вазир ўринбосари — Экология, атроф-муҳитни муҳофаза қилиш, жисмоний тарбия ва спорт масалалари комплекси раҳбари лавозимлари бекор қилинди;
- Макроиқтисодий ривожлантириш, таркибий ўзгартиришлар, хорижий инвестицияларни жалб этиш масалалари йиғма ахборот-таҳлил департаменти;
- Таълим ва илм-фан масалалари ахборот-таҳлил департаменти;
- Ёшлар сиёсати, маданият, ахборот тизимлари ва телекоммуникациялар масалалари ахборот-таҳлил департаменти;
- Иқтисодиёт тармоқлари ва республика ҳудудларининг экспорт салоҳиятини ривожлантириш масалалари ахборот-таҳлил департаменти;
- Ҳуқуқий экспертиза ва халқаро шартномалар бошқармаси тугатилди.
- Ўзбекистон Республикаси Бош вазирининг ўринбосари — Иқтисодий ривожлантириш, таркибий ўзгартиришлар, инвестициялар, банк ва молия тизимларини ислоҳ қилиш, эркин иқтисодий ва кичик саноат зоналари фаолиятини мувофиқлаштириш масалалари комплекси раҳбари;
- Ўзбекистон Республикаси Бош вазири ўринбосари, «Ўзавтосаноат» акциядорлик компанияси бошқаруви раиси — Ташқи иқтисодий фаолият, экспорт салоҳияти, машинасозлик, автомобиль ва электротехника саноатини ривожлантириш, маҳсулотларни стандартлаштириш масалалари комплекси раҳбари.
- Таълим, илм-фан ва ёшлар сиёсати масалалари ахборот-таҳлил департаменти;
- Маданият, ахборот тизимлари ва телекоммуникациялар масалалари ахборот-таҳлил департаменти;
- Иқтисодий ривожлантириш, таркибий ўзгартиришлар, инвестициялар, банк ва молия тизимларини ислоҳ қилиш, эркин иқтисодий ва кичик саноат зоналари фаолиятини мувофиқлаштириш масалалари йиғма ахборот-таҳлил департаменти;
- Инвестиция дастурларини шакллантириш ва амалга ошириш мониторинги, хорижий инвестицияларни жалб қилиш масалаларини мувофиқлаштириш ахборот-таҳлил департаменти;
- Ташқи иқтисодий фаолият, иқтисодиёт тармоқлари ва республика ҳудудларининг экспорт салоҳиятини ривожлантириш масалалари ахборот-таҳлил департаменти;
- Ҳуқуқий экспертиза, халқаро шартномалар ва ташқи алоқаларни ривожлантириш бошқармаси ташкил этилди.
Изоҳ (0)