AQShning Jorjiya shtati, Patnam okrugida qamoqxona avtobusida boshqa yerga o‘tkazilayotgan ikki mahbus qochib ketdi. Bu haqda Meduza xabar bermoqda.
Mahbuslar ikki qo‘riqchini otib tashlab, avtobusdan chiqdi, so‘ng avtomobilda qochib ketdi. Politsiya ma’lumotlariga qaraganda, ular yashil rangdagi Honda’ni olib qochgan.
Mahbuslarning ismlari — Doni Rassell Rou va Riki Dyuboz.
ABC News’ga ko‘ra, Rou 2002-yildan, Dyuboz esa 2015-yildan buyon hibsda edi. Ular qurolli talonchilik va boshqa jinoyatlar uchun qamalgandi.
Izoh (0)