“O‘zenergoinspeksiya” navbatlarga sabab bo‘layotgan Ai-80 avtobenzinni sotuvga chiqarmasdan o‘zida saqlab turgan AYQSHlarga chora ko‘rilganini ma’lum qildi.
Ayni kunlarda hududlarda Ai-80 markali avtobenzinga talab oshishi natijasida ko‘plab AYQSHlarda navbatlar ko‘paygan. Inspeksiya xabarida qayd etilishicha, mazkur holatlar yuzasidan Vazirlar Mahkamasi huzuridagi “O‘zenergoinspeksiya” tomonidan neft mahsulotlarini yetkazib berish va ularni sotuvga chiqarilishi yuzasidan AYQSHlarda nazorat tadbirlari o‘tkazilmoqda.
Xususan, Andijon viloyatidagi “N.P.”, “N. O.”, “L.G.”, “S.O.” va “SH.A.O.” MCHJlarga qarashli avtomobillarga yoqilg‘i quyish shoxobchalarida birja savdolarida xarid qilingan Ai-80-markali avtobenzin hech qanday sabablarsiz sotuvga chiqarmasdan saqlab turish hamda faoliyat ko‘rsatmayotgan shoxobchalarga yo‘naltirish kabi holatlar aniqlangan.
Mazkur holatlar yuzasidan qoidabuzarlikka yo‘l qo‘ygan ushbu AYQSHlar birja savdolarida ishtirok etishi vaqtincha to‘xtatildi.
“O‘zenergoinspeksiya” matbuot xizmatining 15-dekabr kuni bildirishicha, Andijon viloyat hududiy boshqarmasi tomonidan so‘nggi ikki kunda neft bazalardan avtobenzin mahsulotini maxsus tashuvchi transportlar orqali yetkazib berilishi bo‘yicha 50 dan ortiq AYQSHda nazorat ishlari amalga oshirildi.
-jPZTH2IP.jpg)
AYQSHlarda neft mahsulotlarini yetkazib berish va ularni sotuvga chiqarilishi yuzasidan ham nazorat tadbirlari o‘tkazilmoqda. Xususan, Farg‘ona viloyati Farg‘ona tumanida o‘tkazilgan shunday tadbir davomida “V.H.O.” MCHJga qarashli avtomobillarga yoqilg‘i quyish shoxobchasiga ta’minotchi omboridan olib kelingan 3,7 tonna Ai-80 markali avtobenzin AYQSH orqali sotilmasdan, ulgurji sotib yuborilgani aniqlangan.
Mazkur holat yuzasidan qoidabuzarlikka yo‘l qo‘ygan AYQSHlar birja savdolarida ishtirok etishi vaqtincha to‘xtatildi.
Bundan avval O‘zbekistonda birja savdolariga chiqarilayotgan kunlik avtobenzin hajmi to‘rt barobar oshirilgani haqida xabar berilgan edi.
Izoh (0)