Bloomberg agentligi ma’lumotlariga qaraganda, AQSh saylov tizimiga Rossiya tomonidan uyushtirilgan kiberhujum ilgari taxmin qilinganidan ancha kengroq miqyosda amalga oshirilgan. Bu haqda “Gazeta.ru” xabar bermoqda.
Bundan tashqari, tergovchilar Illinoys shtatida xakerlar saylovchilarning ma’lumotlarini o‘zgartirishga yoki o‘chirishga harakat qilganini aniqladi.
“Xakerlar sotsiologlar tomonidan saylov kuni so‘rovlar o‘tkazishga mo‘ljallangan dasturiy ta’minotni nazorat ostiga olib, kamida bitta shtatda kampaniyaning moliyalashtirilishi haqidagi ma’lumotlar bazasiga daxl qilgan”, — deyiladi maqolada.
Manbalardan yana birining aytishicha, kiberhujumlarning ko‘lami sobiq prezident Barak Obama ma’muriyatini shu qadar tashvishga solganki, ular maxsus aloqa kanali orqali Moskva bilan bog‘langan.
FQB agentlikning ushbu ma’lumotlar haqqoniyligi borasidagi so‘roviga izoh berishdan bosh tortdi.
Izoh (0)