Bloomberg агентлиги маълумотларига қараганда, АҚШ сайлов тизимига Россия томонидан уюштирилган киберҳужум илгари тахмин қилинганидан анча кенгроқ миқёсда амалга оширилган. Бу ҳақда «Газета.ru» хабар бермоқда.
Бундан ташқари, терговчилар Иллинойс штатида хакерлар сайловчиларнинг маълумотларини ўзгартиришга ёки ўчиришга ҳаракат қилганини аниқлади.
«Хакерлар социологлар томонидан сайлов куни сўровлар ўтказишга мўлжалланган дастурий таъминотни назорат остига олиб, камида битта штатда кампаниянинг молиялаштирилиши ҳақидаги маълумотлар базасига дахл қилган», — дейилади мақолада.
Манбалардан яна бирининг айтишича, киберҳужумларнинг кўлами собиқ президент Барак Обама маъмуриятини шу қадар ташвишга солганки, улар махсус алоқа канали орқали Москва билан боғланган.
ФҚБ агентликнинг ушбу маълумотлар ҳаққонийлиги борасидаги сўровига изоҳ беришдан бош тортди.
Изоҳ (0)