Airbus Буюк Британиянинг Евроиттифоқдан чиқиши сабабли пайдо бўлган талаблари қондирилмаса, лайнерлари учун эҳтиёт қисмлар ишлаб чиқариладиган заводларни бошқа ҳудудларга кўчиради. Бу ҳақда авиаконцерн президенти ва бош директори Фабрис Брежье маълум қилди, деб хабар беради «ТАСС».
«Биз Буюк Британияда қолишни истаймиз, бироқ бунинг учун интеграциялашган ташкилотда фаолият олиб боришга имкон берувчи шартлар ҳисобга олиниши зарур. Айтайлик, Brexit бўйича келишув турли давлатларда жойлашган корхоналаримиз ходимларига ҳеч қандай тўсиқсиз Британия ҳудудига келишига имкон бериши лозим. Шунингдек, келишув бу ерда ишлаб чиқарилган қисмлар сертификацияси Европа авиация хавфсизлиги агентлиги билан келишилишини кафолатлаши талаб этилади», — деди Фабрис Брежье.
Маълумот учун, Airbus’нинг Филтон ва Бротондаги заводларида авиалайнерлар учун қанотлар ишлаб чиқарилади. Корхонларда умумий ҳисобда 10 минг киши меҳнат қилади.
Изоҳ (0)