Eron fuqaro aviatsiyasi tashkiloti Qatar Airways aviakompaniyasiga o‘z havo hududida parvozlar amalga oshirishga ruxsat berdi. Bu haqda “RIA Novosti” xabar bermoqda.
Qatar Airways, o‘z navbatida, Saudiya Arabistoni, BAA, Bahrayn va Misrga parvozlarni to‘xtatdi.
Eron tomonidan taqdim etilgan ruxsatnoma 6-iyundan kuchga kirdi. Tashkilotning ma’lum qilishicha, xavfsiz parvozlarni ta’minlash uchun barcha choralar ko‘riladi.
Muqaddam qator arab davlatlari Qatar bilan diplomatik aloqalarni uzdi. Ular qatoriga boshqa davlatlar qo‘shilib bormoqda. Jumladan, Muqaddam Saudiya Arabistoni, Bahrayn, Misr, BAA, Yaman, Liviya va Maldiv orollari, Mavrikiy Qatar bilan diplomatik aloqalarini uzgan edi. O‘z navbatida, Qatar arab davlatlarining diplomatik aloqalarni uzish haqidagi qarorini noo‘rin deb baholadi. Qatarga qarshi sanksiyalar joriy etilish ehtimoli mamlakat aholisini oziq-ovqat zaxiralarini to‘ldirishga majbur qilmoqda.
Izoh (0)