Fransiyalik o‘smir jandarmlarga otasi rulni boshqarayotib, “arpabodiyondan tayyorlangan ichimlik”ni ichganini ma’lum qildi, tahlillar natijasida erkakning qonida alkogol aniqlandi, deb yozadi “RIA Novosti”.
“Otasining mashina boshqarish tarzi tufayli, o‘zini xavfsiz his qilmagan bola oila a’zolaridan biriga qo‘ng‘iroq qildi, u esa o‘z navbatida, jandarmeriyani xabardor qildi. Patrul avtomobil turgan turargohga yetib keldi”, — deyiladi Fransiyaning Jironda departamenti jandarmeriyasining Facebook’dagi sahifasida.
12 yoshli bola huquq-tartibot organlari vakillariga haydovchi o‘rindig‘ida otasi uxlab yotgan mashinani ko‘rsatdi. Uning aytishicha, erkak harakatlanish chog‘ida to‘xtab, arpabodiyondan qilingan ichimlikni ichgan. Bola otasi o‘zini yo‘lda xatarli tarzda tutayotganini ko‘rib, kichik to‘qnashuvdan so‘ng undan to‘xtashni so‘ragan.
Erkakning qon tahlili 2,76 gramm alkogol borligini ko‘rsatdi. U javobgarlikka tortish uchun hibsga olindi. Bola onasiga topshirildi.
Izoh (0)