AQShning 44-prezidenti oilasi bilan Vashingtonning Kalorama tumanidagi uyni sotib olishga qaror qildi, uni oila Barak Obamaning xizmat muddati tugaganidan so‘ng ijaraga olib yashayotgan edi, deb yozadi “Mk.ru”. Sobiq prezident 8 million dollardan ziyodga sotib olgan uyda sakkizta yotoqxona va 10 ta vannaxona bor.
Washington Post ma’lumotlariga ko‘ra, Obamalarning yangi uyi ushbu tumanda milliarder Jeff Bezosning uyidan keyingi eng qimmatbahosi hisoblanadi. Amazon kompaniyasi asoschisining uyi esa taxminan 23 million dollarga baholanmoqda.
Barak Obamaning rasmiy vakili so‘zlariga ko‘ra, Obamalar kenja qizi Sasha mahalliy maktabni tugatmagunicha, ya’ni kamida yana ikki yarim yil davomida bu yerda yashashni rejalashtirayotgani uchun uyni ijaraga olmasdan, balki uni sotib olishni afzal bilgan.
Izoh (0)