MDH davlatlari maxsus xizmatlari “Dushanbe-Antiterror — 2017” qo‘shma aksilterrorchilik mashg‘ulotlarida terrorchilar tomonidan tarafdorlarni yollashdan tortib, davlatni to‘natarishga urinishgacha bo‘lgan maqsadlarda internetdan foydalanish holatlarini mashq qildi, deb yozadi “TASS”.
Birinchi bosqichda maxsus xizmatlar internet-yollovchilarni, ular hatto kommunikator telefon dasturlaridan foydalansa-da, aniqlash imkoniyatlarini sinab ko‘rdi.
Mashg‘ulotlarning ikkinchi bosqichida esa maxsus xizmatlarning ijtimoiy tarmoqlar, internet-forumlar va bloglar orqali “butunjahon xalifaligi” g‘oyasini tarqatayotgan va keng ko‘lamli teraktlar uyushtirish uchun sheriklar qidirayotgan IShID terrorchilik guruhi a’zolari faoliyatiga qarshi malakalari mashq qilindi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)