Франциялик ўсмир жандармларга отаси рулни бошқараётиб, «арпабодиёндан тайёрланган ичимлик»ни ичганини маълум қилди, таҳлиллар натижасида эркакнинг қонида алкоголь аниқланди, деб ёзади «РИА Новости».
«Отасининг машина бошқариш тарзи туфайли, ўзини хавфсиз ҳис қилмаган бола оила аъзоларидан бирига қўнғироқ қилди, у эса ўз навбатида, жандармерияни хабардор қилди. Патруль автомобиль турган тураргоҳга етиб келди», — дейилади Франциянинг Жиронда департаменти жандармериясининг Facebook’даги саҳифасида.
12 ёшли бола ҳуқуқ-тартибот органлари вакилларига ҳайдовчи ўриндиғида отаси ухлаб ётган машинани кўрсатди. Унинг айтишича, эркак ҳаракатланиш чоғида тўхтаб, арпабодиёндан қилинган ичимликни ичган. Бола отаси ўзини йўлда хатарли тарзда тутаётганини кўриб, кичик тўқнашувдан сўнг ундан тўхташни сўраган.
Эркакнинг қон таҳлили 2,76 грамм алкоголь борлигини кўрсатди. У жавобгарликка тортиш учун ҳибсга олинди. Бола онасига топширилди.
Изоҳ (0)