Bir tomondan qaraganda, uydan tashqariga chiqmasdan ishlash – juda yaxshi variant. Mabodo kechikib qolsangiz har xil bahonalar o‘ylab topish, shaxsiy ishlaringizni bajarish uchun javob olish va tushlik qilish uchun soat bir yoki ikki bo‘lishini kutishning keragi bo‘lmaydi. “Bugun nima kiysam ekan” muammosi ham bo‘lmaydi va siz bemalol faqat o‘zingizga yoqqan va qulay bo‘lgan kiyimingizni kiyishingiz mumkin.
Bunday ish nafaqat tug‘uruq ta’tilida o‘tirgan va uydan tashqariga chiqishning zarurati bo‘lmagan yosh onalarga, balki hamma ayollarga ham juda mos kelsa kerak.
Shunga qaramasdan, buning ham salbiy tomonlari bor. Ofisdagi ishga qaraganda uyda qilinadigan ish rahbariyat tomonidan kamroq nazorat qilinadi. Shuning uchun ishning bunday turi o‘zini intizomga bo‘ysundirish va o‘zini ishga jalb qilishni talab qiladi.
Agar siz o‘z vaqtingizni to‘g‘ri rejalashtirishni, kunlik va haftalik tuzilgan ish rejasiga rioya qilishni bilmasangiz bu ish siz uchun juda og‘irlik qiladi.
Ish – bu har doim javobgarlik, shuning uchun agar siz uyda ishlashni tanlagan bo‘lsangiz, unga har qanday ofis ishlari kabi jiddiy munosabatda bo‘ling.
Agar yosh bolangiz bo‘lsa, uyda o‘zingizga berilgan ish bilan xotirjam shug‘ullana olaman deb o‘ylamang. Odatda bolalar haddan tashqari diqqatingizni chalg‘itadi va siz ishni ham qilolmaysiz, bolaga ham yaxshi qaray olmaysiz. Agar siz uyda ishlashni xohlasangiz – buning uchun ozroq bo‘lsa ham sharoit yaratishingiz kerak bo‘ladi.
Masalan, bolani yarim kun bo‘lsa ham bog‘chaga berishingiz mumkin va bu vaqt ichida ishni bajarasiz. Sizning uyda joylashganingiz ishda emasligingizni bildirmaydi, shuning uchun buni siz boshidan boshqalarga – turmush o‘rtog‘ingizga, bolalarga, dugonalaringizga tushuntirishingiz kerak.
Manba: “Garmoniya jizni”
Izoh (0)