Tasavvur qiling — o‘rtacha olganda ofis xodimini har 3 daqiqada ish jarayonidan chalg‘itishadi. Qaytadan diqqatni to‘plash uchun esa unga 25 daqiqa zarur bo‘ladi. Albatta bizning o‘zimiz ham ko‘plab distrakt omillarni bilamiz, lekin ulardan qutulish uchun hech qanday chora ko‘rmaymiz. Vaziyatni o‘zgartirishga harakat qilib ko‘ramiz!
Buning uchun quyidagilar kerak bo‘ladi:
Miyaning “ish rejasi” bo‘yicha ishlashni o‘rganish
Diqqatni to‘plash qobiliyatingiz sutkaning turli vaqtlarida turlicha ekanligini o‘zingiz ham sezgan bo‘lsangiz kerak. Ko‘pchilik uchun eng sermahsul va “diqqat-e’tiborli” davr soat 12:00 dan 16:00 gacha bo‘lgan vaqt oralig‘i, faollikning ko‘proq oshishi esa tushdan keyin soat ikkiga to‘g‘ri keladi.Miyaga kerakli diqqat to‘plashni “ko‘rsatish”
Miyamiz o‘z tajribalari asosida o‘rganadi. Bu, siz zararli faoliyat bilan qancha ko‘p shug‘ullansangiz, uni davom ettirishingiz shuncha oson va ishga diqqatingizni jalb qilish esa qiyinroq bo‘lishini bildiradi.Miyangizni mashq qildiring — imkoniyat va zarurat bo‘lganda, diqqatingizni ongli ravishda ishga qarating. Har safar, chalg‘iyotganingizni sezganingizda iloji boricha tezroq diqqatingizni to‘plashga harakat qiling. Shundagina aqlingiz to‘g‘ri “reflekslar”ga ega bo‘ladi.
Ma’lumotlarni qayta ishlashda tanaffus qilish
Yangi modadagi multivazifalilik sharoitida biz bir yo‘la iloji boricha ko‘proq ma’lumotlar olishga harakat qilamiz: brauzer ichida o‘nlab ilova (vkladka)larni ochamiz, xatlar, telefon qo‘ng‘iroqlari va xabarlarga to‘xtovsiz javob beramiz. Lekin bunday qizg‘in faoliyat sifatli natijani umuman kafolatlamaydi.Diqqatni jamlashga qiynalyotgan bo‘lsangiz, bu oqimdan chiqib oling. Agar ofisdan sizni hech kim bezovta qilmaydigan biror joy topsangiz va u yerda Wi-Fi ishlamasa, hisobotlarni tezroq yozishingiz oson bo‘lar edi.
Manba: “Anysports.tv”
Izoh (0)