Xitoylik milliarder Jek Madan hayot saboqlari

Agar o‘z professional o‘sishingiz va moliyaviy ahvolingizdan qoniqmayotgan bo‘lsangiz, xitoylik milliarder Jek Maning sizga atalgan maslahatlari bor.

Ma – Alibaba Group’ni yaratgan va qiyinchiliklarga qaramasdan ko‘pmilliardli boylik orttirishga muvaffaq bo‘lgan xitoylik tadbirkor. Ish va moliyaviy hayotingizni boshqarishda Maning maslahatlaridan foydalanishga tayyormisiz?

Imkoniyat axtaring

Imkoniyatni faqat atrofingizdan axtarmang. O‘zingizning kasbiy va moliyaviy faoliyatingizning barcha ikir-chikirlarigacha ko‘rib chiqing.

Har bir imkoniyat — bu ochiq eshik

Haddan tashqari kichkina yoki sizga to‘g‘ri kelmaydigan imkoniyat bo‘lmaydi. Birortasi sizga uchrab qolsa, uni qo‘ldan chiqarmang, undan foydalanishga butun kuchingizni ishga soling. Katta muvaffaqiyat kichkina mayda-chuydalardan iborat bo‘ladi.

Idrokli bo‘ling

Haqiqiy ahvolingizga va nimaga intilayotganingizga baho bering. Nimaga erishmoqchisiz? Nima uchun? Maqsadingizga yetish uchun sizga nimalar kerak?

Kechiktirmasdan ishga kirishing

Ba’zan haqiqiy poygada qatnashishga ham to‘g‘ri keladi. Muammo shundaki, jiddiy poyga — har doim ham hammadan oldinda yugurish emasligini ko‘pchilik tushunmaydi. Hatto birinchi qatorda yugurish ham muvaffaqiyat olib kelishi mumkin. Imkoniyatni ko‘rishingiz bilan ishga kirishing.

Vaziyatlarga taqalib qolmang

Hozirgi ahvolingiz qandayligi, qanday va qayerda o‘sganingiz yoki sizga qanday ma’lumot yetishmasligi muhim emas — har qanday vaziyatda ham o‘zingiz tanlagan faoliyat doirasida siz muvaffaqiyatga erisha olasiz. Ruhan kuchlilik, chidamlilik va bardosh — hammasidan muhim.

Diqqatingizni maqsadga qarating

Maqsadingizga erishishga harakat qiling, diqqatingizni to‘plang, yo‘lingizni maqsadga qarating va boshqa tomonga burilmang.

Jasur bo‘ling

Ma Alibaba Group’ni tashkil qilganda potensial investorlar bu loyihaning muvaffaqiyat qozonishiga unchalik ishonmagan edi. Lekin Jek qo‘rqmadi. Ba’zan maqsadga erishish uchun jasur bo‘lish lozim.