Tojikiston prezidenti Emomali Rahmon Saudiya Arabistonida AQSh prezidenti Donald Tramp bilan uchrashdi, O‘zbekiston rahbari Shavkat Mirziyoyev bilan samimiy suhbatlashdi hamda Ar-Riyodga 21-may kuni arab, islom dunyosi mamlakatlari va AQSh rahbarlarining birinchi sammitida qatnashish uchun tashrif buyurgan 50 ta mamlakat yetakchilari bilan tushlik qildi, deb yozadi Tojikistonning Asia-Plus nashri.
O‘zining sammitdagi nutqida Tojikiston prezidenti terrorizm va ekstremizm bugungi kunda butun insoniyatning global muammosiga aylanganini ta’kidladi va sammit ishtirokchilarini o‘z kuchlarini ularga qarshi birlashtirishga chaqirdi.
Sammitdagi ishtiroki doirasida Emomali Rahmon Saudiya Arabistoni qiroli, AQSh prezidenti, Pokiston bosh vaziri, Afg‘oniston, O‘zbekiston, Qozog‘iston, Ozarbayjon prezidentlari, Kuvayt amiri va Qatar amiri bilan ikki tomonlama uchrashuvlar o‘tkazib, Tojikistonning ushbu davlatlar bilan aloqalarini rivojlantirish masalalarini muhokama qildi.
Izoh (0)