Fransiyaning yangi bosh vaziri Eduard Filipp tomonidan shakllantirilgan hukumat mamlakatning yangi saylangan prezidenti Emmanuel Makron tomonidan tasdiqlandi. 22 kishidan iborat yangi vazirlar mahkamasining 11 a’zosi ayollardir — buni gender tengligining haqiqiy tantanasi, desa bo‘ladi.
E’tiborli tomoni, ayollar rahbarlik qiladigan vazirliklar orasida nomidan faqat erkaklarga xos bo‘lgan idoralar ham bor. Masalan, Mudofaa vazirligi. Unga endi uch bolaning onasi, 52 yoshli Silvi Gular rahbarlik qiladi. Gular xonim bu lavozimni egallagan birinchi fransuz ayoli emas — prezident Jak Shirakning ikkinchi muddatida — 2002—2007-yillarda vazirlikka Mishel Allio-Mari xonim rahbarlik qilgan.
Shuningdek, Gular xonim ayni vaqtda o‘z mamlakati qurolli kuchlariga rahbarlik qilayotgan jahondagi yagona ayol ham emas — mudofaa vaziri lavozimida mehnat qilayotgan nozik jins vakillarini nafaqat Yevropada, balki Osiyoda ham, Amerikada ham, Okeaniyada ham uchratish mumkin.Shayx Hasina, Bangladesh (2009-yil 6-yanvardan)
Nosivive Mapisa-Nakula, Janubiy Afrika (2012-yil 12-iyundan)
Jenin Hennis-Plasshert, Niderlandiya (2012-yil 5-noyabrdan)
Marta Elena Ruiz Sevilya, Nikaragua (2013-yil 4-martdan)
Reychel Omamo, Keniya (2013-yil 15-maydan)
Mimi Kodeli, Albaniya (2013-yil 15-sentabrdan)
In Mari Eriksen Sored, Norvegiya (2013-yil 16-oktabrdan)
Ursula fon der Lyayen, Germaniya (2013-yil 17-dekabrdan)
Roberta Pinotti, Italiya (2014-yil 22-fevraldan)
Marina Pendesh, Bosniya va Gersegovina (2015-yil 11-fevraldan)
Andreya Katich, Sloveniya (2015-yil 13-maydan)
Mariz Peyn, Avstraliya (2015-yil 21-sentabrdan)
Tomomi Inada, Yaponiya (2016-yil 3-avgustdan)
Mariya Dolores de Kospedal, Ispaniya (2016-yil 4-noyabrdan)
Silvi Gular, Fransiya (2017-yil 17-maydan)
Izoh (0)