Франциянинг янги бош вазири Эдуард Филипп томонидан шакллантирилган ҳукумат мамлакатнинг янги сайланган президенти Эммануэль Макрон томонидан тасдиқланди. 22 кишидан иборат янги вазирлар маҳкамасининг 11 аъзоси аёллардир — буни гендер тенглигининг ҳақиқий тантанаси, деса бўлади.
Эътиборли томони, аёллар раҳбарлик қиладиган вазирликлар орасида номидан фақат эркакларга хос бўлган идоралар ҳам бор. Масалан, Мудофаа вазирлиги. Унга энди уч боланинг онаси, 52 ёшли Сильви Гулар раҳбарлик қилади. Гулар хоним бу лавозимни эгаллаган биринчи француз аёли эмас — президент Жак Ширакнинг иккинчи муддатида — 2002—2007 йилларда вазирликка Мишель Аллио-Мари хоним раҳбарлик қилган.
Шунингдек, Гулар хоним айни вақтда ўз мамлакати қуролли кучларига раҳбарлик қилаётган жаҳондаги ягона аёл ҳам эмас — мудофаа вазири лавозимида меҳнат қилаётган нозик жинс вакилларини нафақат Европада, балки Осиёда ҳам, Америкада ҳам, Океанияда ҳам учратиш мумкин.Шайх Ҳасина, Бангладеш (2009 йил 6 январдан)
Носививе Маписа-Накула, Жанубий Африка (2012 йил 12 июндан)
Женин Ҳённис-Пласшерт, Нидерландия (2012 йил 5 ноябрдан)
Марта Элена Руиз Севилья, Никарагуа (2013 йил 4 мартдан)
Рэйчел Омамо, Кения (2013 йил 15 майдан)
Мими Кодели, Албания (2013 йил 15 сентябрдан)
Ин Мари Эриксен Соред, Норвегия (2013 йил 16 октябрдан)
Урсула фон дер Ляйен, Германия (2013 йил 17 декабрдан)
Роберта Пинотти, Италия (2014 йил 22 февралдан)
Марина Пендеш, Босния ва Герцеговина (2015 йил 11 февралдан)
Андрея Катич, Словения (2015 йил 13 майдан)
Мариз Пейн, Австралия (2015 йил 21 сентябрдан)
Томоми Инада, Япония (2016 йил 3 августдан)
Мария Долорес де Коспедал, Испания (2016 йил 4 ноябрдан)
Сильви Гулар, Франция (2017 йил 17 майдан)
Изоҳ (0)