Muhammad al-Xorazmiy nomidagi Toshkent axborot texnologiyalari universitetining 10 nafar talabasi Huawei kompaniyasining Seeds for the Future (“Kelajak nihollari”) dasturi bo‘yicha ikki haftalik o‘quv dasturida ishtirok etish uchun Xitoyga jo‘nab ketdi. Bu haqda o‘quv yurti axborot xizmati xabar bermoqda.
O‘zbekistonlik talabalar mazkur dastur doirasida axborot-kommunikatsiya texnologiyalari, mobil internet aloqasi, kiberxavfsizlik, telekommunikatsiya muhandisligi yo‘nalishlarida dunyoda keng qo‘llanilayotgan yangiliklar va ishlanmalar bilan tanishishi ko‘zda tutilgan.
Seeds for the Future ishtirokchilari Pekin va Shenchjen shaharlarida nazariy hamda amaliy mashg‘ulotlarda qatnashadi. Ularning Xitoy poytaxtida 14-may kuni bo‘lib o‘tadigan “Bir mintaqa — bir yo‘l” xalqaro sammitida ishtirok etishi ham ko‘zda tutilgan.
Izoh (0)