Хитой армияси аскар махфий маълумотларни сўзлаганида бу ҳақда расмийларни автоматик огоҳлантирувчи, смартфонлар учун мўлжалланган дастурий таъминотни ишлаб чиқмоқда. Бу ҳақда, Хитойнинг The People’s Liberation Army Daily ҳарбий нашрига таяниб, «РБК» хабар берди.
Дастур аскарлар интернетдан фойдаланиш интизомини бузганида расмийларга хабар юборади. У ҳарбий фойдаланган телефондаги барча рақамларни кузатиши мумкин.
Ҳозирда ушбу дастур синовдан ўтказилмоқда. Янги дастурий таъминотнинг мақсади — аскарларнинг мобил телефонлардан фойдаланишини ва махфий маълумотлар тарқаб кетишини назорат қилишдан иборат.
Смартфонларга қўйилиши мумкин бўлган ушбу чеклов кўплаб хитойлик ҳарбийларнинг норозилигига сабаб бўлмоқда.
Изоҳ (0)