Turkiyaning g‘arbidagi Izmir shahrida IShID jangarilari deb taxmin qilingan olti kishi 30-aprel, yakshanba kuni qo‘lga olindi. Bu haqda Hurriyet Daily News nashriga tayanib, “TASS” xabar berdi.
Politsiyaning dastlabki ma’lumotlariga ko‘ra, qo‘lga olinganlar 1-may, Xalqaro mehnat kunida terakt amalga oshirishni rejalashtirgan. O‘tkazilgan reydlar natijasida politsiya IShIDga aloqador ko‘plab hujjatlarni ham qo‘lga kiritgan.
Politsiya surishtiruv ishlarini davom ettirmoqda.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)