“O‘zbekoziqovqatxolding” xolding kompaniyasi tomonidan “Jizzaxulgurjisavdo” mas’uliyati cheklangan jamiyati negizida agrologistika markazi tashkil etilmoqda. O‘zA xabariga ko‘ra, O‘zbekiston Prezidenti Shavkat Mirziyoyev mazkur markaz loyihasi bilan tanishdi.
Mavzuga doir: Shavkat Mirziyoyev: Yangilikka intilish iqtisodiyotimiz taraqqiyotining muhim omilidir
“Korxona gaz, suv, elektr energiyasi bilan to‘liq ta’minlangan. Hududda temir yo‘l tarmog‘i xizmat ko‘rsatmoqda”, — deyiladi O‘zA axborotida.
Agrologistika markaziga qishloq xo‘jalik maxsulotlarini qayta ishlash uchun zarur bo‘ladigan asbob-uskunalarni Italiyadan keltirish ko‘zda tutilmoqda.
Loyiha amalga oshirilgandan so‘ng qishloq xo‘jaligi maxsulotlarini saqlashga mo‘ljallangan 2 ming tonnalik sovutgich, shuncha sig‘imga ega dukkakli mahsulotlarni saqlash omborxonasi, 3 ming tonna meva-sabzavotni qayta ishlash quvvatlari, 4 gektarda issiqxona tashkil etiladi. Ishchilar soni 150 nafarga yetkaziladi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)