«Ўзбекозиқовқатхолдинг» холдинг компанияси томонидан «Жиззахулгуржисавдо» масъулияти чекланган жамияти негизида агрологистика маркази ташкил этилмоқда. ЎзА хабарига кўра, Ўзбекистон Президенти Шавкат Мирзиёев мазкур марказ лойиҳаси билан танишди.
«Жиззах» эркин иқтисодий зонаси ҳудудида жойлашган ушбу корхона қишлоқ хўжалиги маҳсулотларини қайта ишлаш, қуритиш, қадоқлаш, сақлаш, иссиқхона ташкил этиш ҳамда экспортга йўналтириш билан шуғулланади.«Корхона газ, сув, электр энергияси билан тўлиқ таъминланган. Ҳудудда темир йўл тармоғи хизмат кўрсатмоқда», — дейилади ЎзА ахборотида.
Агрологистика марказига қишлоқ хўжалик махсулотларини қайта ишлаш учун зарур бўладиган асбоб-ускуналарни Италиядан келтириш кўзда тутилмоқда.
Лойиҳа амалга оширилгандан сўнг қишлоқ хўжалиги махсулотларини сақлашга мўлжалланган 2 минг тонналик совутгич, шунча сиғимга эга дуккакли маҳсулотларни сақлаш омборхонаси, 3 минг тонна мева-сабзавотни қайта ишлаш қувватлари, 4 гектарда иссиқхона ташкил этилади. Ишчилар сони 150 нафарга етказилади.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)