Braziliya D seriyasi (mamlakat futbol birinchiligining to‘rtinchi divizioni)da qatnashuvchi “Fluminense de Feyra” klubi futbolchilarning liboslariga raqam o‘rniga supermarket tarmoqlaridan birining mahsulotlari narxini yozib chiqdi, deya xabar bermoqda Bild.
Mazkur aksiya klub bilan shartnoma tuzgan do‘kon reklamasining bir qismi hisoblanadi. Futbolchining beliga yozilgan raqam mahsulot (yegulik, ichimlik, xo‘jalik mollari)ning Braziliya pul birligidagi haqiqiy narxidir. Raqam ustiga esa mahsulotning nomi yozib qo‘yilgan.
“Fluminense de Feyra” futbolchilari bunday nostandart liboslarda mavsumoldi nazorat o‘yinida maydonga tushgan. Chempionat 21-may kuni boshlanadi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)