Dortmundda 11-aprel oqshomida Yevropa Chempionlar Ligasi chorak finali doirasida “Monako”ga qarshi maydonga tushishi lozim bo‘lgan “Borussiya” futbol klubi avtobusi oldida portlash yuz berdi, deya xabar bermoqda Meduza.
Portlash avtobus jamoa bilan birga yo‘lga chiqishi arafasida mehmonxona avtoturargohida yuz bergan. Associated Press xabariga ko‘ra, kamida uchta portlash yuz bergan.
Hodisa oqibatida bir kishi – ispaniyalik futbolchi Mark Bartra jabrlangan. Bild’ning yozishicha, uni kasalxonaga olib ketishgan.
Portlashlar sababli o‘yin 12-aprelga qoldirilgan. Portlashlar sabablari haqida aniq ma’lumotlar yo‘q.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)