Birinchi chorak yakunlariga ko‘ra, Netflix oqimli servisi obunachilari soni 4,95 million kishiga ko‘payib, 99 million nafarni tashkil etdi, deya xabar bermoqda “Kommersant”.
O‘sish kutilganidan pastroq bo‘lib chiqdi: Netflix bu davrda obunachilar soni 5,2 million kishiga ko‘payishini prognoz qilgan edi. Servis obunachilari sonining o‘sishi sekinlashdi: kompaniyaning o‘zi birinchi yarim yillikda ularning soni 8,5 million kishiga ortishiga umid qilmoqda (o‘tgan yili 8,42 kishiga ko‘paygan).
Servis daromadi birinchi chorakda o‘tgan yilning shu davriga nisbatan 35 foizga o‘sdi va 2,64 milliard dollarni tashkil qildi, sof foyda olti martadan oshiqroqqa — 178,2 million dollargacha ko‘paydi.
Izoh (0)