Биринчи чорак якунларига кўра, Netflix оқимли сервиси обуначилари сони 4,95 миллион кишига кўпайиб, 99 миллион нафарни ташкил этди, дея хабар бермоқда «Коммерсантъ».
Ўсиш кутилганидан пастроқ бўлиб чиқди: Netflix бу даврда обуначилар сони 5,2 миллион кишига кўпайишини прогноз қилган эди. Сервис обуначилари сонининг ўсиши секинлашди: компаниянинг ўзи биринчи ярим йилликда уларнинг сони 8,5 миллион кишига ортишига умид қилмоқда (ўтган йили 8,42 кишига кўпайган).
Сервис даромади биринчи чоракда ўтган йилнинг шу даврига нисбатан 35 фоизга ўсди ва 2,64 миллиард долларни ташкил қилди, соф фойда олти мартадан ошиқроққа — 178,2 миллион долларгача кўпайди.
Изоҳ (0)