Prezident Shavkat Mirziyoyev Chilonzor tumaniga tashrif buyurganidan so‘ng, tuman hokimi hamda Ichki ishlar bo‘lim boshlig‘i egallab turgan vazifasidan ozod etildi, deb xabar berdi “Novosti Uzbekistana”.
Chilonzor tuman hokimi Tohir Mirhidoyatov vazifasidan ozod etildi. Shahar hokimiyatining saytida yozilishicha, hozirda hokim lavozimi bo‘sh. Chilonzor tuman ma’muriyatining aniqlik kiritishicha, vaqtinchalik hokim vazifasini uning birinchi o‘rinbosari Bahrom Karimov bajarmoqda.
Shuningdek, IIB boshlig‘i Abdumajid Shermuhammedov ham vazifasidan ozod etildi. Tuman boshqarmasining ta’kidlashicha, uning o‘rniga podpolkovnik Shavkat Mavlonov tayinlangan.
Eslatib o‘tamiz, 12-aprel kuni Prezident poytaxtning Chilonzor tumanida nazorat o‘tkazgan edi. Shavkat Mirziyoyev tashkilotlar hamda mahallalarga tashrif buyurdi. Tashrif doirasida Prezident 2017—2018-yillar davomida Chilonzor tumanining barcha ichki yo‘llarini to‘liq ta’mirlash va zamonaviy ko‘p qavatli avtomobil turar joylarini qurish vazifasini qo‘ydi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)