“Namangan kitob olami” markazi tashabbusi bilan viloyatda “Men kitob o‘qishni sevaman” shiori ostida sayyor aksiyalar boshlandi. Bu haqda “Daryo” muxbiri xabar bermoqda.
Viloyat hokimligi mazkur tashabbusni qo‘llab-quvvatladi hamda shahar va tumanlarda kitobxonlik bayrami, uning doirasida kitoblar yarmarkasini o‘tkazish reja-jadvali ishlab chiqildi.
Hozirgacha bunday sayyor aksiyalar Namangan shahridagi 21, 26, 67, 53 va 38-umumta’lim maktablarida o‘tkazildi. O‘quvchilar va ustozlarga arzonlashtirilgan narxlardagi yuzlab kitoblar taqdim etildi.
Aksiyalarda deputatlar, adiblar, jurnalistlarning ham ishtirok etayotgani, o‘quvchilarning badiiy chiqishlari tadbirlar ko‘tarinki ruhda o‘tishiga xizmat qilmoqda.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)