«Наманган китоб олами» маркази ташаббуси билан вилоятда «Мен китоб ўқишни севаман» шиори остида сайёр акциялар бошланди. Бу ҳақда «Дарё» мухбири хабар бермоқда.
Вилоят ҳокимлиги мазкур ташаббусни қўллаб-қувватлади ҳамда шаҳар ва туманларда китобхонлик байрами, унинг доирасида китоблар ярмаркасини ўтказиш режа-жадвали ишлаб чиқилди.
Ҳозиргача бундай сайёр акциялар Наманган шаҳридаги 21, 26, 67, 53 ва 38-умумтаълим мактабларида ўтказилди. Ўқувчилар ва устозларга арзонлаштирилган нархлардаги юзлаб китоблар тақдим этилди.
Акцияларда депутатлар, адиблар, журналистларнинг ҳам иштирок этаётгани, ўқувчиларнинг бадиий чиқишлари тадбирлар кўтаринки руҳда ўтишига хизмат қилмоқда.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)