BMT Xavfsizlik kengashida Suriyaning Idlib provinsiyasida 4-aprel kuni kimyoviy qurol qo‘llanilgani ehtimoliga aloqador hodisa yuzasidan rezolyutsiya loyihalarini ko‘rib chiqish keyinga qoldirildi, deb yozadi “Vedomosti” Rossiyaning BMTdagi doimiy vakolatxonasiga tayanib.
“Bugun (6-aprel) ovoz berish bo‘lmaydi”, — dedi doimiy vakolatxona matbuot kotibi Fyodor Strjijovskiy.
Hozirda Kengash uchta rezolyutsiya loyihasini ko‘rib chiqishi kutilmoqda. Ulardan biri G‘arb, ikkinchisi — Rossiya tomonidan taklif etilgan, uchinchisi — murosali variant esa Xavfsizlik kengashining o‘nta muvaqqat a’zolari, shu jumladan, Ukraina tomonidan tarqatilgan edi.
Izoh (0)