Rossiya prezidenti Vladimir Putinning ma’lum qilishicha, “terrorchilik harakati belgilari” Sankt-Peterburg metrosida yuz bergan portlashlar uchun asosiy versiya sifatida ko‘rilmoqda. Bu haqda Meduza xabar bermoqda.
Mavzuga doir: Sankt-Peterburg metrosi portlashdan so‘ng to‘liq yopildi
Putin Sankt-Peterburgdagi metroda yuz bergan portlash oqibatida halok bo‘lganlarning oila a’zolariga hamdardlik bildirdi. Uning qo‘shimcha qilishicha, federal hukumat va shahar ma’muriyati hodisa oqibatida jabrlanganlarga ko‘mak ko‘rsatish bo‘yicha barcha choralarni ishga soladi.
Putin ayni vaqtda Sankt-Peterburg shahrida bo‘lib turibdi, u 3-aprel kuni shu yerda Belarus prezidenti Aleksandr Lukashenko bilan uchrashishi kerak edi.
Dastlabki ma’lumotlarga ko‘ra, Peterburg metrosining “ko‘k” yo‘nalishida, “Sennaya maydoni” va “Texnologiya instituti” bekatlari oralig‘ida yuz bergan portlash oqibatida kamida 10 kishi halok bo‘lgan, 30 ga yaqin odam tan jarohati olgan.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)