Pokiston janubida qayiqning to‘ntarilib ketishi oqibatida kamida to‘rt kishi halok bo‘ldi. Bu haqida ARY News telekanaliga tayanib, “RIA Novosti” xabar beradi.
Ma’lumotda keltirilishicha, 20 nafar odami bo‘lgan qayiq mamlakat janubidagi Moro shahridan unchalik uzoq bo‘lmagan daryoda to‘ntarilib ketgan. Qutqaruvchilar hamda mahalliy aholi halok bo‘lganlarning jasadini chiqarib oldi, shuningdek, qolgan 16 yo‘lovchiga suvdan chiqishlarida yordam ko‘rsatgan.
Omon qolganlardan birining ahvoli og‘irligi aytilmoqda. Jabrlanuvchilar yaqin atrofdagi shifoxonalarga yetkazilgan.
Politsiyaning ma’lumot berishicha, noxush hodisaga kema boshqaruvchisining tajribasizligi sabab bo‘lgan. Tuman shifoxonalarida favqulodda holat e’lon qilingan.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)