Россия президенти Владимир Путиннинг маълум қилишича, «террорчилик ҳаракати белгилари» Санкт-Петербург метросида юз берган портлашлар учун асосий версия сифатида кўрилмоқда. Бу ҳақда Meduza хабар бермоқда.
Мавзуга доир: Санкт-Петербург метроси портлашдан сўнг тўлиқ ёпилди
Путин Санкт-Петербургдаги метрода юз берган портлаш оқибатида ҳалок бўлганларнинг оила аъзоларига ҳамдардлик билдирди. Унинг қўшимча қилишича, федерал ҳукумат ва шаҳар маъмурияти ҳодиса оқибатида жабрланганларга кўмак кўрсатиш бўйича барча чораларни ишга солади.
Путин айни вақтда Санкт-Петербург шаҳрида бўлиб турибди, у 3 апрель куни шу ерда Беларусь президенти Александр Лукашенко билан учрашиши керак эди.
Дастлабки маълумотларга кўра, Петербург метросининг «кўк» йўналишида, «Сенная майдони» ва «Технология институти» бекатлари оралиғида юз берган портлаш оқибатида камида 10 киши ҳалок бўлган, 30 га яқин одам тан жароҳати олган.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)