O‘zbekistonda 30-martdan 30-aprelgacha Xalqaro jaz kuniga bag‘ishlangan uchinchi xalqaro jaz festivali bo‘lib o‘tadi. Bu haqda “Daryo”ga tadbir mutasaddilari ma’lum qildi.
Bir oy davomida festival Toshkent, Samarqand, Buxoro va Qo‘qonda jaz muxlislari mehmoni bo‘ladi. Unda Nord FX (Germaniya), Dwiki Dharmawan World Peace Jazz Band (Indoneziya), Where is Africa? (Shveysariya) jamoalari, Berkay Toprak va Yunus Muti (Turkiya), xonanda Ayya Vitolinya (Latviya), saksofonchi Mixal Vroblevski (Chexiya) ishtirok etishi ko‘zda tutilgan.
Shuningdek, festivalda Estoniya vakillari — qo‘shiqchi Kadri Voorand, gitarachi Marek Talts, dirijor va aranjirovkachi Siim Aymla (Botir Zokirov nomli estrada—simfonik orkestri bilan birgalikda) ham qatnashadi.
Izoh (0)