Ўзбекистонда 30 мартдан 30 апрелгача Халқаро жаз кунига бағишланган учинчи халқаро жаз фестивали бўлиб ўтади. Бу ҳақда «Дарё»га тадбир мутасаддилари маълум қилди.
Бир ой давомида фестиваль Тошкент, Самарқанд, Бухоро ва Қўқонда жаз мухлислари меҳмони бўлади. Унда Nord FX (Германия), Dwiki Dharmawan World Peace Jazz Band (Индонезия), Where is Africa? (Швейцария) жамоалари, Беркай Топрак ва Юнус Мути (Туркия), хонанда Айя Витолиня (Латвия), саксофончи Михал Вроблевски (Чехия) иштирок этиши кўзда тутилган.
Шунингдек, фестивалда Эстония вакиллари — қўшиқчи Кадри Вооранд, гитарачи Марек Талц, дирижёр ва аранжировкачи Сиим Аймла (Ботир Зокиров номли эстрада—симфоник оркестри билан биргаликда) ҳам қатнашади.
Изоҳ (0)