Davlat tashrifi bilan Qozog‘istonga safar qilgan O‘zbekiston Prezidenti Shavkat Mirziyoyevni Ostona aeroportida Qozog‘iston bosh vaziri Baqitjan Sag‘intayev kutib oldi. Bu haqda Qozog‘iston bosh vaziri matbuot xizmati xabar bermoqda.
“Bu Shavkat Mirziyoyevning O‘zbekiston Prezidenti sifatida Qozog‘istonga ilk tashrifidir”, — deyiladi Qozog‘iston hukumati rahbari saytida.
Avvalroq O‘zA O‘zbekiston va Qozog‘iston davlat bayroqlari bilan bezatilgan Ostona xalqaro aeroportida oliy martabali mehmon sharafiga faxriy qorovul saf tortgani, tantanali kutib olish marosimidan keyin O‘zbekiston delegatsiyasi o‘zi uchun ajratilgan qarorgohga yo‘l olgani haqida xabar bergan edi.
Tashrifning asosiy voqealari 23-martga belgilangan. Tashrif yakunlari bo‘yicha davlatlararo, hukumatlararo va idoralararo bir qator muhim hujjatlar, O‘zbekiston—Qozog‘iston hamkorligini sifat jihatidan yangi bosqichga ko‘tarishga qaratilgan salmoqli shartnomalar imzolanishi rejalashtirilgan.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)