Давлат ташрифи билан Қозоғистонга сафар қилган Ўзбекистон Президенти Шавкат Мирзиёевни Остона аэропортида Қозоғистон бош вазири Бақитжан Сағинтаев кутиб олди. Бу ҳақда Қозоғистон бош вазири матбуот хизмати хабар бермоқда.
«Бу Шавкат Мирзиёевнинг Ўзбекистон Президенти сифатида Қозоғистонга илк ташрифидир», — дейилади Қозоғистон ҳукумати раҳбари сайтида.
Аввалроқ ЎзА Ўзбекистон ва Қозоғистон давлат байроқлари билан безатилган Остона халқаро аэропортида олий мартабали меҳмон шарафига фахрий қоровул саф тортгани, тантанали кутиб олиш маросимидан кейин Ўзбекистон делегацияси ўзи учун ажратилган қароргоҳга йўл олгани ҳақида хабар берган эди.
Ташрифнинг асосий воқеалари 23 мартга белгиланган. Ташриф якунлари бўйича давлатлараро, ҳукуматлараро ва идоралараро бир қатор муҳим ҳужжатлар, Ўзбекистон—Қозоғистон ҳамкорлигини сифат жиҳатидан янги босқичга кўтаришга қаратилган салмоқли шартномалар имзоланиши режалаштирилган.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)