Turkiya prezidenti Rajab Toyyib Erdo‘g‘on Yevropada yashayotgan turkiyaliklarni oilada 5 farzandli bo‘lishga chaqirdi. Bu haqda “Gazeta.ru” xabar bermoqda.
“Yevrpadagi fuqarolarimiz, birodar va singillarimizni 3 emas, 5 nafardan farzandli bo‘lishga chaqiraman. Yangi biznes-loyihalar oching, bolalaringizni eng yaxshi maktablarga bering. Oilangiz eng yaxshi hududlarda yashasin, zo‘r mashinalar mining, eng go‘zal uylarda istiqomat qiling”, — deya ta’kidladi Erdo‘g‘on.
Turkiya prezidenti bu dav’atni turklar “Yevropa kelajagi” ekanligi bilan izohladi.
“Bu ular sizlarga nisbatan amalga oshirgan odobsizlik, qarama-qarshilik va adolatsizlikka nisbatan eng yaxshi javob bo‘ladi”, — deya qo‘shimcha qildi Rajab Toyyib Erdo‘g‘on.
Ma’lumot uchun, Turkiyaning o‘zida oilada uch farzand bo‘lishi odat tusiga kirgan.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)