Эрдўғон Европада яшаётган туркларни 5 фарзандли бўлишга чақирди

Туркия президенти Ражаб Тоййиб Эрдўғон Европада яшаётган туркияликларни оилада 5 фарзандли бўлишга чақирди. Бу ҳақда «Газета.ru» хабар бермоқда.

«Еврпадаги фуқароларимиз, биродар ва сингилларимизни 3 эмас, 5 нафардан фарзандли бўлишга чақираман. Янги бизнес-лойиҳалар очинг, болаларингизни энг яхши мактабларга беринг. Оилангиз энг яхши ҳудудларда яшасин, зўр машиналар мининг, энг гўзал уйларда истиқомат қилинг», — дея таъкидлади Эрдўғон. 

Туркия президенти бу давъатни турклар «Европа келажаги» эканлиги билан изоҳлади.

«Бу улар сизларга нисбатан амалга оширган одобсизлик, қарама-қаршилик ва адолатсизликка нисбатан энг яхши жавоб бўлади», — дея қўшимча қилди Ражаб Тоййиб Эрдўғон. 

Маълумот учун, Туркиянинг ўзида оилада уч фарзанд бўлиши одат тусига кирган. 

«Дарё»нинг Telegram’даги расмий канали — @toshqindaryo’га аъзо бўлинг!