EchoStar-23 telekommunikatsiya sun’iy yo‘ldoshini tashuvchi Falcon 9 raketasi Florida shtatining Kanaveral burnidagi kosmodromdan uchirildi. Bu haqda SpaceX kompaniyasi mutasaddilari ma’lum qildi, deya xabar beradi “TASS”.
Raketa 16-mart, payshanba kuni Toshkent vaqti bilan 11:00 da parvoz qildi. Sun’iy yo‘ldosh startdan 34 daqiqa o‘tib mo‘ljallangan orbitaga chiqishi ko‘zda tutilgan.
EchoStar-23 sun’iy yo‘ldoshi Janubiy Amerika hududida teleuzatishni ta’minlash uchun mo‘ljallangan. Og‘irligi 5,5 tonna bo‘lgan qurilma geostatsionar orbitada 35 ming kilometrga yaqin balandlikda ishlashi lozim.
Eslatib o‘tamiz, аvvaliga raketa uchirilishi 14-martga mo‘ljallangan, biroq kuchli shamollar tufayli parvoz qoldirilgandi. “Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)