2017-yilning 14-mart, seshanba kuni O‘zbekiston Tashqi ishlar vazirligida Rossiya Federatsiyasining Favqulodda va muxtor elchisi Vladimir Tyurdenev bilan uchrashuv bo‘lib o‘tdi. Bu haqda vazirlik matbuot xizmati xabar berdi.
Suhbat davomida ikki tomon kun tartibining dolzarb masalalari hamda O‘zbekiston—Rossiya uchrashuvlariga tayyorgarlik jarayoni muhokama qilindi.
Rossiya Federatsiyasi elchisi Vladimir Tyurdenev yanvar oyida O‘zbekiston Respublikasining baynalmilal madaniyat markazi tashkil topganiga 25 yil to‘lishi sharafiga o‘tkazilgan ilmiy-amaliy anjumanda nutq so‘zlagan edi. Unda Tyurdenev O‘zbekiston hududida ming yillar davomida turli millat vakillari istiqomat qilib kelayotgani, ularning har biri O‘zbekistonga takrorlanmas madaniyatining bir qismini olib kelgani haqida gapirgandi. “Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)