2017 йилнинг 14 март, сешанба куни Ўзбекистон Ташқи ишлар вазирлигида Россия Федерациясининг Фавқулодда ва мухтор элчиси Владимир Тюрденев билан учрашув бўлиб ўтди. Бу ҳақда вазирлик матбуот хизмати хабар берди.
Суҳбат давомида икки томон кун тартибининг долзарб масалалари ҳамда Ўзбекистон—Россия учрашувларига тайёргарлик жараёни муҳокама қилинди.
Россия Федерацияси элчиси Владимир Тюрденев январь ойида Ўзбекистон Республикасининг байналмилал маданият маркази ташкил топганига 25 йил тўлиши шарафига ўтказилган илмий-амалий анжуманда нутқ сўзлаган эди. Унда Тюрденев Ўзбекистон ҳудудида минг йиллар давомида турли миллат вакиллари истиқомат қилиб келаётгани, уларнинг ҳар бири Ўзбекистонга такрорланмас маданиятининг бир қисмини олиб келгани ҳақида гапирганди. «Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)