Malayziya bosh vaziri Najib Tun Razzoq birinchi marta Shimoliy Koreya rahbariyatini Kim Chon Namning o‘limida ochiqchasiga aybladi. Bu haqda CNN xabar bermoqda.
“Biz hozir kuzatayotgan voqealarning barchasi Shimoliy Koreya hukumati o‘z fuqarosini Malayziya hududida, taqiqlangan kimyoviy qurolni qo‘llagan holda o‘ldirishi oqibatidir”, — dedi Razzoq.
CNN’ning qo‘shimcha qilishicha, Malayziya bosh vazirining matbuot xizmati Razzoq Kim Chon Namning o‘limida haqiqatan ham KXDRni ayblaganini tasdiqlagan.
Eslatib o‘tamiz, KXDR yetakchisi Kim Chen Inning akasi hisoblangan Kim Chon Nam 13-fevral kuni Kuala-Lumpur aeroportida o‘ldirilgan edi. Uning boshiga zaharli VX moddasi surtilgan mato tashlab ketilgan.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)