Малайзия бош вазири Нажиб Тун Раззоқ биринчи марта Шимолий Корея раҳбариятини Ким Чон Намнинг ўлимида очиқчасига айблади. Бу ҳақда CNN хабар бермоқда.
«Биз ҳозир кузатаётган воқеаларнинг барчаси Шимолий Корея ҳукумати ўз фуқаросини Малайзия ҳудудида, тақиқланган кимёвий қуролни қўллаган ҳолда ўлдириши оқибатидир», — деди Раззоқ.
CNN’нинг қўшимча қилишича, Малайзия бош вазирининг матбуот хизмати Раззоқ Ким Чон Намнинг ўлимида ҳақиқатан ҳам КХДРни айблаганини тасдиқлаган.
Эслатиб ўтамиз, КХДР етакчиси Ким Чен Иннинг акаси ҳисобланган Ким Чон Нам 13 февраль куни Куала-Лумпур аэропортида ўлдирилган эди. Унинг бошига заҳарли ВХ моддаси суртилган мато ташлаб кетилган.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)