Avstraliyaning Melburn shahrida gender tengligini ta’minlash bo‘yicha kampaniya doirasida “ayol” svetoforlar o‘rnatildi. Bu haqda The Telegraph xabar bermoqda.
Xabar berishlaricha, shaharda Xotin-qizlar xalqaro kuni arafasida ayol siymosi tushirilgan 10 ta svetofor paydo bo‘lgan.
“Ayollar va erkaklar siymosi tushirilgan svetoforlarni o‘rnatishdan maqsad — ongsiz ravishda soxta tasavvur paydo bo‘lishi holatlarini kamaytirishga yordam berishdir”, — dedi svetoforlarni qayta o‘rnatib chiqayotgan firmalardan birining rahbari.
Avstraliyaning ayollar ishlari bo‘yicha vaziri Fiyona Richardson Melburndagi bu tashabbusni olqishlab, bu harakat jamoat joylariga yanada ko‘proq ayollarni jalb etishini ta’kidladi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)