Toshkentning Oloy bozori yaqinidagi 12 qavatli ma’muriy binoning 8-qavatida 27-fevral, dushanba kuni yuz bergan oqibatida hech kim jabrlanmagan.
“Gazeta.uz”ning Toshkent shahar IIBB Yong‘in xavfsizligi boshqarmasi (YoXB)ga asoslanib xabar berishicha, yong‘in haqidagi xabar 17:30 da kelib tushgan, 17:50 da yong‘in qurshab olingan va 17:54 da to‘liq o‘chirilgan.
Yong‘in oqibatida 20 kvadrat metr maydon, xususan, mol-mulk va xonalar zarar ko‘rgan. Shuningdek, 9-qavatdagi xonaning romlari kuygan.
YoXB axborotiga ko‘ra, yong‘in oqibatida jabrlanganlar yo‘q. Hozirda yong‘in sabablari aniqlanmoqda.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)