OAV: Bir vaqtning o‘zida 104 ta yo‘ldoshni koinotga olib chiqqan Hindistonning Polar tashuvchi raketasi rekord o‘rnatdi

Hindistonning Polar tashuvchi raketasi 15-fevral kuni bir vaqtning o‘zida koinotga 104 ta yo‘ldosh olib chiqib, yangi rekord o‘rnatdi. Bu haqda “Sinxua” agentligiga tayanib, “TASS” xabar bermoqda.

Tashuvchi raketa Shrixarikota kosmodromidan uchirildi. Raketa og‘irligi 714 kilogramm bo‘lgan Yerning asosiy zondi va umumiy og‘irligi 664 kilogramm bo‘lgan 103 ta “nanoapparat”ni o‘zida olib ketdi.

Xabarda qayd etilishicha, nanoyo‘ldoshlarning deyarli barchasi boshqa mamlakatlar, jumladan, Isroil, Qozog‘iston, Gollandiya, Shveysariya va BAAga tegishli. Ularning aksariyati – 96 donasi AQSh mulki hisoblanadi.

Tashuvchi raketada bir vaqtning o‘zida eng ko‘p apparatni olib chiqish bo‘yicha avvalgi rekord Rossiyaga tegishli edi. 2014-yilda raketa o‘zi bilan 39 ta yo‘ldoshni olib chiqqandi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!