Ҳиндистоннинг Polar ташувчи ракетаси 15 февраль куни бир вақтнинг ўзида коинотга 104 та йўлдош олиб чиқиб, янги рекорд ўрнатди. Бу ҳақда «Синьхуа» агентлигига таяниб, «ТАСС» хабар бермоқда.
Ташувчи ракета Шрихарикота космодромидан учирилди. Ракета оғирлиги 714 килограмм бўлган Ернинг асосий зонди ва умумий оғирлиги 664 килограмм бўлган 103 та «наноаппарат»ни ўзида олиб кетди.
Хабарда қайд этилишича, нанойўлдошларнинг деярли барчаси бошқа мамлакатлар, жумладан, Исроил, Қозоғистон, Голландия, Швейцария ва БААга тегишли. Уларнинг аксарияти – 96 донаси АҚШ мулки ҳисобланади.
Taшувчи ракетада бир вақтнинг ўзида энг кўп аппаратни олиб чиқиш бўйича аввалги рекорд Россияга тегишли эди. 2014 йилда ракета ўзи билан 39 та йўлдошни олиб чиққанди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)