Dunyoda shunday mashinalar borki, ular hatto tezyurar poyezdlardan ham ildamroq harakatlana olish imkoniyatiga ega. “Motor” nashri esa ana shunday imkoniyatga ega dunyodagi eng tezkor avtomobillarning 10 talik reytingini taqdim etdi.
Aston Martin One-77: soatiga 355 kilometr.
Bu avtomobil 7,3 litr sig‘imli quvvati 700 ot kuchiga V12 dvigateliga ega. Tezlik uzatish qutisi olti darajali. 3,5 sekundda tezlikni 100 km/soatga yetkazadi.
Lamborghini Veneno: soatiga 355 kilometr.
12 silindrli 750 ot kuchiga ega 6,5 dvigateli bilan jihozlangan. Avtomatlashtirilgan yetti darajali tezlik uzatish qutisi. 100 km/soat tezlikka 2,8 sekundda erishadi.
Noble M600: soatiga 362 kilometr.
4,4 litr sig‘imli V8 dvigateli 650 ot kuchiga ega. Avtomobilda quvvatni 450 va 550 ot kuchigacha chegaralashi mumkin bo‘lgan qurilma o‘rnatilgan.
Zenvo ST1: soatiga 375 kilometr
Orqa g‘ildiraklari orqali tezlanish oluvchi Zenvo ST1 super avtomobili mexanik turbinali, benzin yoqilg‘isi bilan harakatlanuvchi, 7 litr sig‘imli 8 silindrli dvigatel bilan jihozlangan. Quvvati 1104 ot kuchiga teng, tezlik uzatish qutisi esa olti darajali.
McLaren F1: soatiga 386,4 kilometr.
Afsonaviy F1 6,1 litr sig‘imli, 12 silindrli, 636 ot kuchiga ega dvigatel bilan jihozlangan. 100 km/soat tezlikka 3,2 sekundda chiqadi.
Saleen S7: soatiga 399 kilometr.
2005-yildan beri S7 ikki turbinali dvigatelga ega. Shu tufayli uning quvvati 750 ot kuchiga teng. Super avtomobil 2,8 sekundda 96 km/soat tezlikka erishadi.
Koenigsegg Regera: soatiga 400 kilometr.
Regera – bu 5 litr sig‘imli V8 tvin-turbo dvigateli bilan jihozlangan gibrid avtomobil. U maxsus ishlangan KDD transmissiyasi va akkumlyatorlar jamlanmasi bilan jihozlangan. Quvvati 1500 ot kuchiga teng. 100 km/soat tezlikka chiqish uchun 2,8 sekund sarflaydi.
SSC Ultimate Aero: soatiga 412,22 kilometr
Dvigatel sig‘imi 6,2 litr, quvvati 1183 ot kuchiga teng. 2,8 sekundda 100 km/soat tezlikka erishadi.
Bugatti Chiron: soatiga 420 kilometr
1500 ot kuchiga ega W16 dvigateli bilan jihozlangan Chiron yetti darajali avtomatlashtirilgan tezlik uzatish qutisiga ega. 100 km/soat – 2,5 sekund, 200 km/soat – 6,5 sekund, 300 km/soat – 13,6 sekund.
Hennessey Venom GT: soatiga 435,3 kilometr
Super avtomobil o‘zgartirilgan Lotus Elise platformasi asosida yig‘ilgan. 8 silindrli dvigatelning sig‘imi 7 litr, quvvati 1244 ot kuchiga teng.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)