Kanadada jinoyatchilar o‘g‘irlab ketilgan avtomobilning bakini yoqilg‘iga to‘ldirib qaytardi. Bu haqda pitssa yetkazuvchi bo‘lib ishlaydigan mashina egasi Josh Kuk Facebook’dagi sahifasida ma’lum qildi, deya xabar beradi “Motor”.
Kukning mashinasi u mijozga pitssa yetkazayotganda o‘g‘irlab ketildi. Yomon ob-havo tufayli Josh Saturn Astra avtomobilini ishlab turgan dvigateli va yoqilgan avariya signali bilan qoldirgandi.
Binoda bo‘lib turgan vaqtida kanadalik motor ovozini eshitdi, ko‘chaga yugurib chiqqanida esa Astra katta tezlikda jo‘nab ketganini ko‘rdi, xolos. Shundan so‘ng yaqin oradagi kasalxonadan politsiyaga qo‘ng‘iroq qildi.
Ertasiga kechki payt jinoyat joyi yaqinidan o‘tib ketayotgan kanadalikning tanishi Saturn Astra’ni ko‘rib qoldi. Avtomobil o‘g‘irlab ketilgan manzildan 10 metr narida qoldirilgandi. Voqea joyiga yetib kelgan Kuk mashinaga jiddiy shikast yetkazilganini payqamadi, biroq uni to‘liq to‘ldirilgan bak hayratga soldi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)